Линктер

ЧУКУЛ КАБАР!
14-Май, 2021 жума, Бишкек убактысы 01:19

Кыргызстандын “Центеррадагы” үлүшү азайды деген маалымат такталууда


Кумтөр.

“Кыргызалтын” ишканасы Кыргызстандын “Кумтөр” долбоорундагы үлүшү 6 пайызга азайды деген маалыматты тактап жатат. Бул тууралуу аталган мекеменин маалымат кызматы “Азаттыкка” кабарлады.

Кыргызстандын үлүшү кыскарганын Жогорку Кеңештин мурдагы депутаты, журналист Кабай Карабеков "24.kg" сайтына жазган. Анын белгилешинче, канадалык "Центерра голд инк" компаниясы 2016-жылы алтын жана металл казган Thompson Creek фирмасын сатып алган. Финансылык операция 1 млрд доллардан жогору бааланган. Сатып алууну ийгиликтүү өткөрүү үчүн акцияларга кошумча эмиссия жүргүзүлгөн. Жалпысынан 141,4 млн долларлык 26 млн 599 миң 500 жаңы акция чыгарылган. "Сатып алуулар жана баалуу кагаздарды кошумча эмиссия кылуудан буга чейин 32,7 пайызды түзгөн “Кыргызалтындын” үлүшү 26,26 пайызга чейин ылдыйлаган" дейт Кабай Карабеков "24.kg" маалымат агенттигиндеги макаласында.

“Кыргызалтындын” акцияларынын базар баасы учурда 412 млн долларга бааланууда. Ал эми акциянын саны мурдагыдай эле 77 млн 401 миң 766 даана деп эсептелип жатат. Кабай Карабеков бул маалыматтар ишенимдүү булактардан алынганын “Азаттык” радиосуна билдирди.

Апрель ыңкылабынан кийин келген бийлик Кумтөр маселесин бир жаңсыл чечүүнү убада кылган. Жогорку Кеңеш Кумтөр маселесин чечүү боюнча 2014-жана 2015-жылы токтом кабыл алган жана өкмөткө бир катар тапшырмаларды берген. Бирок алар аягына чыккан эмес.

Былтыр 1-декабрда президент Алмазбек Атамбаев жыл жыйынтыгын чыгарган маалымат жыйынында Кумтөр боюнча "Центерра" менен теңме-тең сүйлөшүү жүрүп, жылыштар болот деп ишендирген эле.

Буга чейин Жоомарт Оторбаев башында турган өкмөт үлүшү 50-50% бөлүштүрүлгөн биргелешкен ишкана түзүүнү сунуштап, бул Жогорку Кеңеште колдоо тапкан эмес.

“Ата Мекен” фракциясы “Кумтөрдү” улутташтырууну жактап келген. (КЕ)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG