Жикчил Тоолуу Карабак аймагынын парламенти 19-июлда аймактын лидерлигине үчүнчү мөөнөткө Бако Саакянды шайлады.
Азербайжандын Тышкы иштер министрлигинин маалымат катчысы Хикмет Хажиев 19-июлда жасаган билдирүүсүнө бул окуяны "Армениянын дагы бир чагымы" жана "Азербайжандын Конституциясы менен эл аралык укукту" одоно бузуу деп атады.
Добуш берүүнү утурлай эле министрлик 17-июлда аны сындаган билдирүү таркаткан.
Азербайжандын бир бөлүгү, негизинен армян улутундагылар байырлаган Тоолуу Карабакты Армения колдогон жикчилдер 90-жылдардын башындагы согуш учурунда ээлеп алган.
