Линктер

шаршемби, 20-июнь, 2018 Бишкек убактысы 19:17

Орусияда камактагы активист Мохнаткин ачкачылык жарыялады


Орусиядагы оппозициячыл активист Сергей Мохнаткин.

Орусиядагы нааразылык акциясы маалында полиция кызматкерлерине кол көтөрдү деген айып боюнча камалган активист Сергей Мохнаткин ачкачылык кармаганын жарыялады. Бул тууралуу укук коргоочу Елена Эфрос "Эхо Москвы" радиосуна 24-июлда курган маегинде айтты. Ал билдиргендей, Мохнаткин абактагы адам чыдагыс шарттарга жана ага тиешелүү медициналык жардам көрсөтүлбөй жатканына нааразылык билдирүүдө.

Активист Архангелск облусундагы Котлас шаарындагы №4 абакта жаза мөөнөтүн өтөп жатат.

63 жаштагы Мохнаткин 2014-жылдын декабрь айында Москвадагы Триумфальный аянтында полиция кызматкерине кол көтөрдү деген айып менен төрт жарым жылга кесилген. 2016-жылы ал башка абакка которулуудан баш тартканы үчүн түрмө кызматкерлери тарабынан ур-токмокко кабылганы айтылган. Тергөөнүн версиясына караганда, Мохнаткин анда да түрмө кызматкерин чаап жиберген. Буга байланыштуу 2017-жылдын март айында Мохнаткиндин жаза мөөнөтүнө дагы эки жыл кошулган.

XS
SM
MD
LG