Линктер

ЧУКУЛ КАБАР!
17-Октябрь, 2021 жекшемби, Бишкек убактысы 19:56

Жарым жылда 81 таштанды бала табылды


Иллюстрация

Быйыл жарым жыл ичинде Кыргызстанда 81 таштанды бала табылды. Бул тууралуу бүгүн "Азаттык" радиосуна Эмгек жана социалдык өнүгүү министрлигинин Үй-бүлө жана балдарды коргоо башкармалыгынын өкүлү Гүлмира Ахматова билдирди. Анын айтымында, мындан тышкары дагы 9 бала Орусиядан алынып келинди:

- Жеткинчектердин иши боюнча милиция кызматкерлери, биздин өкүлдөр, медицина кызматкерлери чыгып, акт түзүп, быйыл биринчи жарым жылдыкта таштап кетишкен 81 бала табылды. Орусиядан 2011-жылдан бери бүгүнкү күнгө чейин 71 баланы алып келдик, көбүнчөсү Москвадан.

Дүйшөмбү күнү Бишкекте дааратканада табылган ымыркайдын окуясы коомчулукта кызуу талкууланууда. Саламаттыкты сактоо министрлиги маселени чечүүнүн гумандуу жолу катары баласын баккысы келбеген энелерге ымыркайынан баш тартуу укугун мыйзамдаштырууну сунуштоодо.

"Арча Бешик" жаңы конушунда дааратканада төрөп таштап кетти деген аял табыла элек. Ымыркай кыз ооруканада, анын абалы жакшырып келатканын доктурлар айтып жатат. (SA/RK)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG