Сириянын өкмөттүк күчтөрү Хомс облусундагы Ал-Сухна шаарында "Ислам мамлекети" радикал тобунун жоочуларына үстөмдүк кыла баштады. Баш кеңсеси Лондондо жайгашкан Сириядагы адам укуктары обсерваториясы билдиргендей, бийлик Орусия аскерлеринин жардамында шаарды 5-августта ээлеген. Бирок шаардын айрым жерлеринде дагы эле тирешүүлөр болуп жатканы кабарланды.
Ал-Сухна шаарын тазалоо менен өкмөт күчтөрүнө Дейр-эл-Зор облусуна жол ачылат. Бул облусту үч жылдан бери жоочулар ээлеп турушат.
Ал тапта террорчу топтун борбору саналган Ракка шаарында салгылашуулар уланууда.
