Пхеньяндын өзөктүк ракета сыноосуна каршы Улуттар уюмунун санкциясын Кытай туура жооп деп атады. Кытайдын тышкы иштер министри Ван И АСЕАН форумунун кулуарында Түндүк Кореянын тышкы иштер министри Ли Ён Хо менен сүйлөшүүлөрдөн кийин "санкциялар керек, бирок бул акыркы максат болбоого тийиш" деп билдирди.
Ван И Пхеньянга БУУнун резолюциясын талдап көрүүнү жана өзөктүк сыноолорду токтотууну сунуштаганын да маалымдады.
5-августта БУУнун Коопсуздук кеңеши Түндүк Кореяга карата катаал санкцияларды киргизүүнү бир добуштан колдогон.
АКШ президенти Дональд Трамп Американын сунушун Орусия менен Кытай колдоого алганын кубаттады.