Иран полициясы Исфахан шаарында бассейндин боюндагы кечеде ичимдик ичип жаткан жаштарды кармаганын мамлекеттик медиа кабарлады.
Маалыматка караганда, 9-августта Ислам революция корпусунун жергиликтүү күчтөрү жана полиция жарым жылаңач делген 64 өспүрүм балдар-кыздарды кармап кетишкен.
Алар оюн-зоогун видеого тартып интернетке жайып, шайкелеңдикти даңазалашкан деп да айыпталышууда.
Ирандагы эрежелерге ылайык, бири-бирине жакындыгы жок эркек менен аялдын ичимдик ичип, бир кечеде чогуу болуусуна тыюу салынган.
Ага карабастан өлкөдө ичимдик коштолгон сайран тыйылган жок. Кармалгандар демейде айыппул төлөп кутулушат.
