Линктер

жекшемби, 19-ноябрь, 2017 Бишкек убактысы 12:58

Ысык-Көл облусунун мурдагы башчысы Эмилбек Каптагаев “Мекенчил” партиясынын лидери Садыр Жапаровду актап бергиле деп сотко кайрылды. Мындай арыз бүгүн Бишкек шаардык сотуна жөнөтүлгөнүн Жапаровдун адвокаты Шарабидин Токтосунов кабарлады:

- Канча жыл иштеп келаткан тажрыйбамда жабыркаган адам айыпталуучуну актагыла деп суранганын биринчи жолу көрүп жатам. Каптагаев "мен Жапаров менен саясий каршылашмын, бирок ал мени барымтага алууну уюштурбагандыктан аны жөндөн-жөн каралоого адамдык намысым жол бербейт" деп айтууда.

Каптагаев Бишкектин Биринчи Май райондук сотунун Жапаровго карата 2-августтагы өкүмү далилсиз экенин айтууда.

Райсот 2013-жылы Ысык-Көлдө Кумтөргө байланыштуу нааразылык акциясындагы башаламандыкты уюштурду деп быйыл 25-мартта кыргыз-казак чек арасынан кармалган Жапаровду Кылмыш-жаза кодексинин 113 (адам өлтүрүүгө аракеттенүү), 341 (бийлик өкүлүнө каршылык көрсөтүү), 234 (бейбаштык) беренелери боюнча актап, бирок 227 (бийлик өкүлүн барымтага алуу) беренеси боюнча 11 жыл 6 айга күчөтүлгөн тартиптеги абакка кескен болчу.

Жапаров Каптагаевди барымтага алууну уюштурду деп айыпталган.

Ал быйылкы президенттик шайлоого талапкер болууга арыз берген. Бирок 10-августта Боршайком аны каттоодон баш тартты. 2013-жылы Жапаров бийликти басып алууга аракет жасаган деп 1,5 жылга кесилген. Абактан чыккандан кийин өлкөдөн чыгып кеткен. БШК анын бул соттуулугу жоюлганы тууралуу аныктама жок деген негизди карманды. (RK)

Сиздин пикир

пикирлерди көрсөт

XS
SM
MD
LG