Линктер

жекшемби, 17-декабрь, 2017 Бишкек убактысы 06:37

Ош облустук казыяты мечиттердин имамдарына отчетторду сапаттуу жазуу талабын койду. Бул жаатта ушул күндөрү түшүндүрүү иштери жүрүп жатканын казыяттын басма сөз катчысы Нургазы Каримов "Азаттык" радиосуна билдирди.

Анын айтымында, буга чейин имамдардын отчетунда көбүнчө жасалган иштер тууралуу конкреттүү мисалдар келтирилбей, жалпыланган маалыматтар гана камтылчу. Мындан улам, казыят отчет жазуунун жаңы формасын сунуштады. Анда жасалган иштердин датасы, элге айтылган үгүт-насааттын так мазмуну камтылууга тийиш жана түшүндүрүү иштери каерде, ким тарабынан жүргүзүлгөнү жазылышы кажет.

Казыяттын талабына ылайык, имамдар элге салттуу дин боюнча маалыматтарды берип, экстремизмге азгырылбоо багытында насааттарды айтышы керек.

Кыргызстанда имамдар 2016-жылдан бери казыяттарга ай сайын отчет беришет. Жасалган иштер муфтияттын атайын комиссиясында каралат. Мыкты деп табылган имамдар "Ыйман" фондунан 5000 сомдон стипендия алышат. (SE)

Сиздин пикир

пикирлерди көрсөт

XS
SM
MD
LG