Линктер

ЧУКУЛ КАБАР!
24-Октябрь, 2021 жекшемби, Бишкек убактысы 16:41

Атамбаев Жээнбековдун отставкасын кабыл алды


Президент Алмазбек Атамбаев премьер-министр Сооронбай Жээнбеков менен жолугушту. 21.08.2017

Президент Алмазбек Атамбаев Сооронбай Жээнбековдун отставка тууралуу арызын кабыл алды. Бүгүн өткөн жолугушууда ал "Сиз жетектеген кабинет мен президент болгон мезгилдеги эң жакшы өкмөт болду” деп билдирди.

Президенттин маалымат кызматынан кабарлашкандай, Жээнбеков КСДП партиясы аны шайлоого талапкер кылып көрсөтүп, Боршайком каттаганына байланыштуу кызматтан кетүү тууралуу чечим кабыл алганын айтты.

“Мен үчүн бардык талапкерлерге бирдей шарт түзүлгөнүнө эч кандай күмөн саноо болбогон шайлоодо жеңишке жетүү принципиалдуу мааниге ээ» деп айтты Жээнбеков.

16-июлда КСДП партиясы Жээнбековду талапкер кылып көрсөтүү чечимин кабыл алган. Бүгүн аны БШК президенттикке талапкер кылып каттады. Ал 46 миң кол топтоп, тил сынагынан 94,6 упай алган. Жээнбеков премьер-министрликке былтыр 13-апрелде келген.

Президенттик шайлоо Кыргызстанда 15-октябрда өтөт. (RK)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG