Бишкектин Ленин райондук сотунда бүгүн Жогорку Кеңештин депутаты Аида Салянованын соту уланды. Адвокат Чынара Жакупбекованын "Азаттык" радиосуна билдиргенине караганда, жараян кылмыш иштин материалдарын изилдөө этабына келди. Кийнки отурум 23-августта өтөт.
Саляновага 2010-жылы юстиция министринин милдетин аткарып турганда "мурдагы президенттин уулу Максим Бакиевдин өнөктөшү Алексей Елисеевдин адвокаттык лицензиясын мыйзамсыз узарткан жана бул ишти жетиштүү иликтеген эмес" деген айып тагылган.
Салянова өзүнө тагылган айыптарды четке кагып келет.(RK)
