Линктер

ЧУКУЛ КАБАР!
5-Март, 2021 жума, Бишкек убактысы 14:09

Чүйдө жол кырсыгы төрт адамдын өмүрүн кыйды


Иллюстрациялык сүрөт

Чүйдө жол кырсыгы төрт адамдын өмүрүн жалмады. Окуя бүгүн болгонун "Азаттык" радиосуна облустук патрулдук милициянын маалымат катчысы Тилек Исаев билдирди. Анын айтымында, Төмөнкү Чүй жана Жаңы-Жер айылдарынын ортосундагы унаа жолдо "Мерседес" үлгүсүндөгү унаа жогорку ылдамдыкта келатып, жолдун четине чыгып кеткен:

- Жол боюнда коомдук транспорт күтүп турган үч аялды, андан кийин велосипед тээп бара жаткан 12 жаштагы баланы сүзүп, жолдон чыгып, оодарылып кеткен.

Машина сүзгөн төрт адам тең ошол жерден кайтыш болгон.

Сокулуктун райондук милициясынын тергөө бөлүмү тийиштүү экспертизаларды жүргүзүп жатат.

Айдоочу жабыркаган эмес. Ал мас абалында болгонун "Азаттыкка" республикалык Патрулдук милиция башкармалыгынын башчысынын орун басары Ыманалы Саркулов билдирди. (RK)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG