Казакстандын борбору Астана шаарындагы эки күндүк иш-чара 24-августта башталган. Кыргыз өкмөтүнүн басма сөз кызматынан билдиришкендей, эл аралык форум Астанадагы ЭКСПО-2017 аянтчасында өтүүдө.
Анда негизинен Евразия экономикалык биримдигинин (ЕАЭБ) экономикасын модернизациялоо жана интеграциялык биримдиктин экспорттук потенциалын көтөрүү талкууланып жатат.
«Евразия жумалыгы» эл аралык форумунун жүрүшүндө Кыргызстандын улуттук экспозициясы да уюштурулган.
Кыргызстан ЕАЭБге кошулганына быйыл эки жыл болду. (NT)
