Линктер

дүйшөмбү, 23-июль, 2018 Бишкек убактысы 09:49

Көкпар: Кыргызстан командасы экинчи орунду ээледи


Казакстан командасы көкпар боюнча биринчи дүйнө чемпиондугунда жеңүүчү болду. 

Астанадагы көк бөрүнүн казакча түрү - көкпар боюнча алгачкы дүйнө чемпиондугунда биринчи орун үчүн Казакстан менен Кыргызстан беттеши казак оюнчуларынын жеңиши менен аяктады. Казак оюнчулары Кыргызстандын курама командасын 4:1 эсебинде жеңип алды.

Мелдештин башындагы он мүнөттө казактар 3:0 эсебинде алдыга чыккан. Андан кийинки таймда Кыргызстандын эсебине улакты (муляжды) тайказанга Рустам Тыналиев таштап, оюн 3:1 эсебинде уланды. Экинчи бөлүктө казак оюнчулары дагы бир упай топтоп, 20 мүнөттүк оюндун жыйынтыгы 4:1 эсебинде алардын пайдасы менен бүттү.

Натыйжада Казакстан командасы көкпар боюнча биринчи дүйнө чемпиондугунда жеңүүчү болду. Кыргызстан экинчи орунду алып, күмүш медалга ээ болду. Үчүнчү орунга Кытайдын командасын 2:1 эсебинде жеңген тажик оюнчулары чыкты.

Сиздин пикир

пикирлерди көрсөт

XS
SM
MD
LG