Линктер

ЧУКУЛ КАБАР!
22-Октябрь, 2021 жума, Бишкек убактысы 03:17

Молдовада саясий партия президентти сотко берди


Игорь Додон.

Молдовада "Аракет жана тилектештик" партиясы президент Игорь Додон Орусиянын кызыкчылыгына кирип өлкөнү бөлүп-жарууда деп сотко арыз берди. Бул тууралуу саясий партиянын веб-сайтында айтылат. Билдирүүдө Додон мыйзамдарды бузуу менен "мекенге чыккынчылык кылууда", "улуттук, расалык, диний ыркысздыкка шыкак берүүдө" деп белгиленген. Партия президент Орусия федерациясынын таламын талашып Молдованын кызыкчылыгына зыян алып келүүдө деп эсептейт.

Додон бул дооматтарга комментарий бере элек. Президентин жикчил Днестр боюндагы жумурияттын лидерин декабрдагы шайлоодо жеңиши менен куттуктосу да катуу сынга кабылган. Молдованын курамындагы ал аймактын көз карандысыздыгын Кишинев жана эл аралык коомчулук тааныган эмес.

Москвага ыктаган Додондун Европа биримдиги менен жакындашууну жактаган өкмөт менен мамилеси да начар.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG