Линктер

шейшемби, 21-ноябрь, 2017 Бишкек убактысы 06:52

Венецияда дүйнөдөгү эң эски эл аралык кинофестиваль башталды. Быйыл 74-жолу өтүп жаткан фестивалды шаршембинин кечинде америкалык режиссер Александр Пэйндин Downsizing же "Кичирейтүү" деп аталган тасмасы ачты.

Комедия-драма жанрындагы бул тасмада чыгымды үнөмдөө үчүн денесин кичирейтүүнү көздөгөн адамдын окуясы баяндалат. Кинофестивалдын ачылышына тасманын баш каарманы, Голливуд актеру Мэтт Дэймон да келди.

Италиянын Венеция шаарында өтүп жаткан бул фестиваль 9-сентябрга чейин уланат. Анын негизги программасына 21 тасма катышат. Быйыл алтын жана күмүш арстандарды Голливуд актрисасы Аннет Бенинг жетектеген калыстар тобу ыйгарат.

XS
SM
MD
LG