Эки айлык жайкы тыныгуудан соң Жогорку Кеңештин VI чакырылышынын депутаттары бүгүн өз ишин баштады. Парламент төрагасы Чыныбай Турсунбеков билдиргендей, регламентке ылайык, дүйшөмбү жана шейшемби күндөрү депутаттар комитеттере иштешет.
Ал эми 7-сентябрда парламенттин жалпы жыйынында жакында шайланган өкмөт мүчөлөрүнүн ант берүүсү күтүлүүдө.
Жогорку Кеңештин регламентине ылайык, парламенттин сессиясы сентябрь айынын биринчи жумушчу күнүнөн башталып, кийинки жылдын июнь айынын акыркы жумушчу күнүнө чейин уланат. (SDz)
