Баткенде 100дөн ашык жаштардын башын кошкон “Жаш тилек” форумунун катышуучулары президенттикке талапкер болгон саясатчыларга кайрылуу жолдошту. Уюштуруучулар маалымдашкандай, кайрылууда экономика, экология, билим берүү жана саламаттыкты сактоо багытындагы 40 көйгөй тизмектелген. Ал ар бир талапкерге берилмекчи.
Иш-чараны 4-сентябрда Youth of Osh коомдук бирикмеси өткөрдү.
Ушундай эле форумдар өлкөнүн жети облусунда өткөрүлүп, жыйынтыгында жогорудагы талаптар жазылган атайын петиция даярдалып, президент болом дегендерге берилет.
Кыргызстанда президенттик шайлоо 15-октябрда өтөт. 9-сентбярга чейин талапкерлерди тактоо жараяны уланат. (JsA)
