4-сентябрдагы жыйынында Боршайком талапкерлер Камила Шаршекеева, Рита Карасартова, Кубан Чороев, Турсунбек Акун жана Талгатбек Кожогуловдун жактоочуларынан чогулткан жарактуу кол тамгалары жетишсиз деп табылды. Ошол эле күнкү жыйында талапкерлер Арсланбек Малиев, Токтайым Үмөталиева жана Арстанбек Абдылдаевдин иргелген кол тамгалары 30 миңдик босогодон ашканы маалым болду.
Мыйзамга ылайык, талапкер болуп катталуу үчүн жаран жактоочуларынан кеминде 30 миң колтамга чогултууга тийиш.
Президенттикке талапкерлерди каттоо ушул жумада аяктайт.
