Бул тууралуу Жогорку Кеңештин басма сөз кызматынын башчысы Ибраим Нуракун уулу "Азаттык" радиосуна билдирди:
- Бүгүн парламент ишин улантып, жалпы отурумга чогулат. Күн тартибинде жаңы куралган өкмөт мүчөлөрүнүн ант берүү аземи бар.
Премьер-министр Сапар Исаков баштаган жаңы өкмөттүн курамы Жогорку Кеңеш 25-августта шайлаган. Мурдагы өкмөт башчы Сооронбай Жээнбеков президенттик шайлоого талапкерлигин койгонуна байланыштуу кызматын тапшырып, анын ордуна президенттик аппараттын башчысы Сапар Исаков келген. (ZKo)
