Ош шаарында бүгүн "Түштүк Expo-2017" көргөзмө-жарманкеси ачылды. Үч күндүк иш-чарага Кытай, Өзбекстан, Тажикстан, Казакстан, Малайзия, Орусия жана башка мамлекеттерден келген компаниялар катышып, өз продукциясын тартуулоодо.
Тамак-аштан баштап кийим-кече, туризм, маалыматтык технологиялар, банктык тейлөө жана башка кызматтар коюлуп, кардарларга маалымат берилүүдө.
Жарманкенин ачылышына шаар мэри Айтмамат Кадырбаев катышты.
Жакында кыргыз-өзбек чек арасында эки өлкөнүн жарандары үчүн жети жылдан бери жабык турган "Достук" бекети ачылган. (RK)