Линктер

ишемби, 25-ноябрь, 2017 Бишкек убактысы 00:11

Акаев: Өкмөт “Лигласс Трейдинг” менен келишимди токтотушу керек


Жанар Акаев.

Өкмөт “Лигласс Трейдинг” менен келишимди токтотушу керек. Бул маселени Жогорку Кеңештин депутаты Жанар Акаев 14-сентябрдагы парламент отурумунда көтөрдү. Ал дүйнөлүк медиа каражаттары кыргыз өкмөтү ГЭС куруу боюнча тажрыйбасы жок, банктагы каражаттары шек туудурган чехиялык “Лигласс Трейдинг” компаниясы менен келишим түзгөнүн жазып жатышканын белгилеп, келишимди чукул арада токтотууну талап кылды:

- Чехиялык “Лигласс Трейдинг”​ компаниясынын банкта 382 млн евро акчабыз бар деп берген маалыматы да жалган болуп чыкты. Биздин Тышкы иштер министрлиги бул компания менен иштешүүгө болбойт деп тыянак чыгарып бергенине карабай, өкмөт келишим түздү. Келишимдеги иштерди аткара элек. "РусГидрого" төлөп берүүчү 37 млн долларды алигүнчө төлөй элек. 22-августта төлөөгө тийиш болчу, 18-сентябрга чейин дагы 16 млн доллар төлөшү керек эле. Мына сентябр ортолоп калды, бир тыйын да төлөй элек. Өкмөт дагы аларга адвокат болуп, эми 19-сентябрга чейин төлөйт деп, калпы чыккан компанияны коргоп атат.

Liglass Trading компаниясы Жогорку Нарын ГЭСтер каскадын жана он чакан ГЭСти куруу боюнча конкурсту утуп алган. Келишимге быйыл 10-июлда Бишкекте кыргыз өкмөтү менен аталган компания өкүлдөрү президент Алмазбек Атамбаевдин катышуусунда кол коюшкан. Кийинчерээк чехиялык басылмалар ал ишкананын ишмердигинен шек санаган макалаларды жазышкан. Кыргыз өкмөтү аталган компания келишимди аткарарына ишеним арткан билдирүүлөрдү таратып келет.

Сиздин пикир

пикирлерди көрсөт

XS
SM
MD
LG