Кошмо Штаттарынан UH-60 Black Hawk ("Кара шумкар") үлгүсүндөгү вертолеттордун алгачкы партиясы Ооганстанга жеткирилди.
"Вертолет флотун рекапитализация жана жаңылоонун алкагында ооган аскер аба күчтөрү Ми-17ден UH-60ка өтүүдө", - деп НАТО 18-сентябрда билдирүү таратты.
Маалыматка караганда, АКШ жакынкы жылдары Ооганстанга 159 ушундай тик учак берүүнү пландоодо.
Буга чейин оогандар советтик Ми-17 тик учактарын колдонуп келишкен. Эскилиги жеткендиктен аларды кармоо кымбатка түшүп жатканы да кабарланат.
Өлкө коопсуздугу үчүн аба күчтөрүн чыңдоо президент Ашраф Ганинин төрт жылдык жол картасынын негизги бөлүгү.
19-сентябрда АКШ коргоо министри ошондой эле Ооганстанга бөлүнгөн 3000 кошумча аскер жолго чыкканын да кабарлады.
