Линктер

жекшемби, 17-декабрь, 2017 Бишкек убактысы 18:03

Сибирди Орусиядан бөлүүгө чакырган жаран ооруканага жөнөтүлдү


Иркутсктагы №1-Убактылуу кармоочу жай.

Орусиянын Иркутск облусуна караштуу Ангарск шаардык соту Сибирь аймагын Орусиядан бөлүп "Уралдан Тынч океанга чейинки чөлкөмдө өз алдынча республика түзүүгө" чакырган жергиликтүү тургунду психиатриялык ооруканага жөнөтүү чечимин 20-сентябрда кабыл алды.

Иркустк облустук прокуратурасынан кабарлашкандай, ысымы аталбаган жаран Орусиянын аймактык бүтүндүгүн бузууга багытталган чакырыктарды жасаганы үчүн айыпталган.

Тергөөнүн маалыматына ылайык, айыпталуучу Сибирди Орусиядан бөлүү чакырыгын 2016-жылдын январь айында интернеттеги баракчасы аркылуу жасаган.

Сот аны акылы ордунда эмес деп таап, кылмыш жоопкерчилигинен бошотуп, психиатриялык ооруканага мажбурлап дарылоого жөнөттү.

Москва Украинанын Крым аймагын 2014-жылы аннексиялап алгандан кийин Орусиядан көз карандысыз болууга чакырган майда жумурияттардын жарандары кылмыш жоопкерчилигине тартылышкан.

XS
SM
MD
LG