24-сентябрь күнү саат 21:30 чамасында Бишкекте "Мангал" деп аталган кафе өрттөнгөн. Өзгөчө кырдаалдар министрлигинин өрт коопсуздугу башкармалыгы маалымдагандай, тамактануучу жай күйүп жатканы тууралуу кабар 21:48де келип түшкөн, саат 22:30га карата өрт толугу менен өчүрүлгөн. Учурда өрттүн келип чыгуу себебин жана анын кесепетин аныктоо иштери жүрүп жатат.
23-сентябрь күнү таңга жуук Токмок шаарындагы балдар медресеси өрттөнүп, 80 бала эвакуацияланган. Медресенин кызматкерлери жана балдар жабыркаган эмес. Өрттүн келип чыгуу себептери аныкталууда. (ZKo)
