Линктер

ЧУКУЛ КАБАР!
20-Октябрь, 2021 шаршемби, Бишкек убактысы 01:07

Порошенко талаштуу тил мыйзамына кол койду


Петр Порошенко

Мындан ары Украинанын мамлекеттик мектептериндеги сабактар бешинчи класстан кийин жалаң украин тилинде гана жүргүзүлүшү керек. Муну шарттаган талаштуу мыйзам долбооруна президент Петр Порошенко 25-сентябрда кол койду.

Окуучулар эне тилин өзүнчө предмет катары окуй алышат. Бирок бул өлкөдөгү поляк, румын жана венгр улутундагыларды соороткон жок. Орусия болсо өзгөртүүнү "көп улуттуу өлкөдө моноэтникалык тил режимин зордоп орнотуу" деп баалаган.

Порошенко өзгөртүү "европалык стандарттарга шайкеш жана коңшу өлкөлөр үчүн үлгү" деп моюн толгоодо. Украинада, өзгөчө орус тилдүүлөр басымдуулук кылган чыгыш бөлүгүндө тил маселеси курч.

Бул мыйзам мурдагы президент Виктор Янукович 2012-жылы кабыл алган эрежени жокко чыгарат. Анда этникалык топтун саны өзү жашаган аймакта 10% ашса аларга эне тилинде билим алууга мүмкүн эле.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG