Линктер

ЧУКУЛ КАБАР!
25-Октябрь, 2021 дүйшөмбү, Бишкек убактысы 05:19

Twitter Орусияга байланышы бар 200дөн ашуун аккаунтту жапты


Алардын ичинен 22 аккаунт Фейсбукта да жашаган. Твиттердин өкүлдөрү АКШ сенатынын Чалгын комитетине өткөн жылы президенттик шайлоо учурунда Орусия тарабынан жалган маалыматтардын таратылганы, жасалма аккаунт жана интернет-боттордун пайдаланылганы боюнча маалымат беришти. Жабык өткөн угууда Russia Today телеканалы өзүнүн 1800дөн ашуун маалыматтарын Твиттерде жайгаштыруу үчүн 2016-жылы 274 миң доллар төлөп бергени да маалым болду. Бирок бул посттор кайсы макалаларга арналганы такталган эмес.

Сенат комитетинин мүчөсү Жеймс Ланкровддун пикири боюнча, орусиялык "тролль ишканалары" Твиттер аркылуу коомчулукта пикир келишпестикти күчөтүүгө көмөктөшкөн. Ал америкалык футболчулардын мамлекеттик гимн ырдалган учурда ордунан турбай коюп, полициячылардын афроамерикалыктарга мамилесине каршылыгын билдирүүсүнө да орусиялык троллдордун күнөөсү бар деп белгиледи.

Америкалык футболчулардын бул окуясы президент Трамп футбол командаларынын башчыларын АКШнын желегин сыйлабаганы үчүн командадан кетирүүгө чакыргандан кийин кызуу талкууга алынган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG