Линктер

дүйшөмбү, 23-октябрь, 2017 Бишкек убактысы 16:17

БУУ: Былтыр согуш аймактарында миңдеген балдар өлдү


Кабулдагы качкындар лагериндеги ооган балдары

Өткөн жылы дүйнөдө согуш кесепетинен 8 миңден ашуун бала өлгөн, же жаракат алышкан. Бул тууралуу Бириккен Улуттар Уюмунун "Балдар жана куралдуу жаңжалдар" аттуу 5-октябрда жарыяланган баяндамасында айтылат.

Карапайым эл арасындагы жоготуулар документтештириле баштаган 2009-жылдан бери эң көп балдардын өлүмү Ооганстанда катталган.

2016-жылы Ооганстанда 3,5 миңден ашуун бала бейажал өлгөн же майыпка айланган. Ал эми Сирияда 1300, Йеменде 1 340 бала өмүрүнөн айрылып, же жаракат алышкан.

Баяндамада жүздөгөн балдар сексуалдык зомбулук көргөнү, мектептерге чабуулдар учурунда жабыркаганы же согуш аракеттерине тартылганы камтылат.

Мындан тышкары балдар укуктарынын бузулушуна жоопкер уюм-топтордун кара тизмеси да бар. Алар Ооганстан, Борбордук Африка Республикасы, Конго демократиялык республикасы, Ирак, Мали, Мьянма, Сомали, Судан, Түштүк Судан, Сирия жана Йемендеги топтор.

Сиздин пикир

пикирлерди көрсөт

XS
SM
MD
LG