ADRA эл аралык уюмунун көмөгү менен Бишкектеги ГУМ соода борборунда “Чоң энелер биримдиги” аттуу жармаңке өтүүдө.
Анда 300дөн ашуун улгайган уз апалар жасаган кол өнөрчүлүк эмгектер сатылып жатат.
Жыл сайын бир нече ирет өтүүчү бул иш-чара карыяларга колдоо иретинде уюштурулган.
Карыяларды колдогон ADRA эл аралык бейөкмөт уюму Чүй облусундагы айылдардагы карыларды чогултуп, бир нече топ түзүп, кол өнөрчүлүккө (анын ичинде узчулукка) тартып жатканына бир нече жыл болду.
Карыялардын колунан чыккан буюмдар жыл сайын жармаңкеде 8-9-10-октябрь күндөрү сатылат. (BCh)
