Линктер

ЧУКУЛ КАБАР!
13-Май, 2021 бейшемби, Бишкек убактысы 20:42

"Хизбутчу" деп соттолгон аялдын жакындары митингге чыгышты


Алар 11 баланын энеси, кош бойлуу Назира Асаналиеваны бошотууну суранышууда.

Бүгүн Ысык-Көл облустук сотунун алдына диний ишениминен улам үч жылга эркинен ажыратылган Назира Асаналиеванын жакындары тынчтык митингин өткөрүп жатышат. Алар 11 баланын энеси, кош бойлуу Назира Асаналиеваны бошотууну суранышууда. Жолдошу Нурмат Асаналиевдин айтымында, 26- сентябрда Түп райондук соту "тыюу салынган китептерди сактаган" деген айып менен жубайын үч жылга эркинен ажыраткан. Облустук сот апелляциялык арызды бүгүн, 9-октябрда карайт.

- Адилеттүүлүктү суранабыз. Адилеттүү чечим чыгарып беришин талап кылабыз. 11 балам жетим калгандай болуп калды. Жубайым кош бойлуу. Энесинин балдарына кайтып келишин каалайм, - деди Нурмат Асаналиев​.

Айыпталуучунун жактоочусу Аида Абдрахманова теологиялык эспертиза мыйзамсыз өткөнүн, күбөлөр да китептер Асаналиеванын үйүнөн чыкканын далилдеп бере алышпаганын белгиледи.

"Хизб ут-Тахрир" диний уюму Кыргызстандын аймагында экстремисттик деп таанылган. Бул агымдын идеяларын жайылтууга тыюу салынат. (AsM)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG