Нарындын Ат-Башы айылында 11 жаштагы окуучу кыз муунуп каза болду. Бул тууралуу «Азаттык» радиосуна Нарын облустук Ички иштер башкармалыгынын басма сөз катчысы Медина Султаналиева билдирди.
Анын айтымында, милицияга кабар 9-октябрда келип түшкөн.
Райондук бөлүмдүн кызматкерлери окуя болгон Казыбек айылына барганда 2006-жылы туулган окуучу кыз үйүнүн мончосуна кирип, жоолукка асынып алган жеринен табышкан.
Кыздын ата-энеси эч кимге доосу жок экенин айтып, тил кат жазып беришкен.
Учурда бул окуя боюнча Ат-Башы райондук Ички иштер бөлүмү иликтөө иштерин жүргүзүп жатат. (MiK)