Бул тууралуу президент Алмазбек Атамбаев бүгүн, 12-октябрда Ош шаарында Футбол федерациясынын академиясын ачкан учурда айтты. Ал шайлоодон эч бир талапкерди четтетпөө үчүн Борбордук шайлоо комиссиясынын мүчөлөрү менен сүйлөшүүнү өзүнүн администрациясына тапшырганын билдирди.
Мамлекет башчы кандай болгон күндө да шайлоону өткөрө турганын, эл өзү татыктуу президентти шайлап аларына ишенерин билдирди.
“Башка элдин президентин укпай мени уккула. Мен өзүм да алданып жүрүптүрмүн, көзүм 1,5 ай мурун ачылды. Биздин эң кымбат байлыгыбыз -бул биримдик”, - деди мамлекет башчы.
Кыргызстанда президенттик шайлоо 15-октябрда өтөт. Анда 11 талапкер ат салышууда.(YI/КЕ)
