Бул тууралуу маалымат жыйында БШК төрайымы Нуржан Шайлдабекова билдирди. Анын билдиришинче, чет өлкөдөгү 37 жана Кыргызстандагы 3 шайлоо участкасынан гана автоматтык эсептөөчү үкөктөгү маалыматтар келе элек.
- Жалпысынан 99 пайыз участкадагы маалыматтар келип калды десек болот. Булар автоматтык эсептөөчү үкөктөгү чектер. Атайын комиссиянын кол коюлган документи менен бекитилип бизге жөнөтүлөт.
Шайлдабекова шайлоого 1 млн 692 миң 423 шайлоочу катышып, бул жалпы шайлоочунун 55,93 пайызын түзгөнүн маалымдады.(SDz)