Линктер

жума, 21-сентябрь, 2018 Бишкек убактысы 02:22

Кыргыз-казак чек арасында 150дөй адам кезек күтүп турат


Кыргыз-казак чек арасындагы “Ак жол” көзөмөл-өткөрмө бекетинде 150нүн тегерегинде адам Казакстанга кирүүгө кезек күтүп турат. Чек ара кызматынын өкүлү Мирбек Осмоналиевдин “Азаттык” радиосуна кабарлашынча, абал мурдагыдан өзгөргөн жок. Анын айтымында, “Ак-Тилек” өткөрмө бекетинде 130дан ашуун оор жүк ташуучу, 20дай жеңил унаа Казакстанга кирүү үчүн кезекте турат.

10-октябрдан тарта Казакстан Кыргызстандагы шайлоого байланыштуу чек арада текшерүүнү күчөткөн.

Кыргыз-казак чек арасындагы “Кордай” көзөмөл-өткөрмө бекетинде блокпосттор орнотулуп, автоунааларды текшерүүгө куралчан аскерлер да тартылган.

Кыргызстандын президенти Алмазбек Атамбаев шайлоо бүткөндөн кийин чек арадан өтүү жөнөкөйлөбөсө ЕАЭБнын чукул жыйынын чакырууну талап кыларын 15-октябрда билдирген болчу.

Бүгүн, 17-октябрда Кыргызстандын Экономика министрлиги Казакстандын үстүнөн ЕАЭБ комиссиясына кайрылды. Анда казак тарап Евразиялык экономикалык биримдиктин укуктарынын нормаларын сактабай жатканын айтылган. (КЕ)

Сиздин пикир

пикирлерди көрсөт

Сунуш кылынган арга.

XS
SM
MD
LG