Линктер

ЧУКУЛ КАБАР!
24-Октябрь, 2021 жекшемби, Бишкек убактысы 07:54

Таластагы лицейдин 11 окуучусу ууланганы кабарланды


Иллюстрация

Талас облустук биргелешкен ооруканадан билдиришкендей, "Манас Ата Сапат" лицейинин алты окуучусу 16-октябрь күнү түңкү саат 11де ичи ооруп жатканын айтып, ооруканага кайрылышкан. Ал эми 17-октябрда кечки саат алты чамасында дагы беш окуучу ооруканага жаткырылганын облустук биргелешкен оорукананын башчысы Шаршенбек Джумашалиев "Азаттык" радиосуна билдирди:

- Кечээ алты бала келген экен. Алар 17-октябрда эртең менен чыгарылды. Бүгүн дагы беш бала түштү. Алар азыр оорукананын кабыл алуу бөлүмүндө. Абалдары канааттандыраарлык.

Кыргызстандагы "Сапат" билим берүү мекемесинин басма сөз катчысы Лаура Исабаева бул маалыматты жарым-жартылай ырастап, "Сапаттын" Таластагы алты окуучусу ооруканага кайрылганын, уулануунун себеби азырынча белгисиз экенин "Азаттык" радиосуна билдирди.

"Сапат" билим берүү мекемеси Кыргызстанда 1993-жылдан бери иштейт. Учурда өлкө боюнча элүүдөн ашуун окуу жайлары бар. "Сапаттын" бүтүрүүчүлөрү бүгүнкү күндө мамлекеттик кызматтарда, эл аралык уюмдарда жана дүйнөлүк компанияларда иштеп жатышат. (AlS/ZKo)

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG