Линктер

шаршемби, 22-ноябрь, 2017 Бишкек убактысы 01:58

Журналист Алишер Саиповдун үй-музейи ачылат


Алишер Саиповдун апасы Зайнабхан Саипова баласын эскерип жазган дептер.

26 жашында белгисиз кишилер атып кеткен журналист Алишер Саиповдун үй-музейи ачылат. Анын жакындары "Азаттык" радиосуна кабарлашкандай, маркумдун буюмдары, кийим-кечеси жана сүрөттөрү өзү өскөн үйдүн бир бөлмөсүнө жайгаштырылып, музейге айланды. Үй-музейдин ачылышы 24-октябрда болот.

Алишер Саиповду 2007-жылдын 24-октябрында белгисиз кишилер Ош шаарындагы Масалиев көчөсүндө кечки саат жетилерде атып кетишкен. Бутуна бир, башына эки жолу тийген октон улам журналист ошол жерде каза тапкан. Бул үрөй учурган кылмыштын бети ачыла элек.

Алишер Саипов Voice of Ameriсa, RFERL-Ozodlik, BBC, Mashhad радиолору, "Фергана.Ру" маалымат агенттиги менен кызматташып, Фергана өрөөнүндө болуп жаткан саясий, диний, коопсуздук, адам укуктары багытындагы окуяларды талдап, чагылдырган.

25 жашында "Сиёсат" ("Саясат") гезитин негиздеп, ал жума сайын чыгып турган. Гезит Кыргызстанга жана Өзбекстанга тараган.

Өлүм себептери анын кесиптик ишмердүүлүгүнө байланыштуу экени айтылып келет. Буюртма өлтүрүүнүн изи коңшу Өзбекстанга такаларын кыргыз тартип коргоо органдары четке каккан эмес.

Расмий маалыматка ылайык, учурда Алишер Саиповдун ишин Ички иштер министрлигинин Уюшкан кылмыштуулукка каршы башкы башкармалыгынын Аймактар аралык башкармалыгы иликтеп жатат.

Маркумдун артында калган кызы быйыл он жашка толду. (SE)

Сүрөт баянды бул жерден көрүңүз:

XS
SM
MD
LG