Бишкектеги "Жаннат" отелине жакын аймакта курулушу жаңы башталган объекттеги кырсыктан жабыркагандардын саны такталууда. Саламаттык сактоо министрлигинен "Азаттык" радиосуна кабарлашкандай, алты адамды тез жардам унаасына салып кетишти, дагы төрт адамга жеринен медициналык жардам көрсөтүлдү.
"Азаттык" радиосунун кабарчыларынын айтымында, учурда окуя болгон жерде милиция жана башка тиешелүү органдардын өкүлдөрү иштеп жатышат, кеминде үч тез жардам унаасы менен жабыркагандарды алып кетишти.
Курулуш кайсы компанияга таандык экени да азырынча айтыла элек.
Алдын ала маалыматка караганда, үчүнчү кабаттын бетонун куюп жатканда каркас урап түшкөн. (SE/RK/AB)
Бишкекте жаңы курула баштаган имарат урады
Бишкектеги Аалы Токомбаев атындагы көчөдө курулушу жаңы башталган объекттеги кырсыктан жабыркагандардын саны такталууда.
