Кыргызстандык «Эйр Кей Жи» авиакомпаниясы ичинде VIP салону бар «Як-40» учагын сатыкка койду.
«Манас» эл аралык аэропортунун маалымат кызматынан кабарлашкандай, аукцион 27-ноябрда өтөт.
Учактын баштапкы баасы 7 миллион 653 миң сом деп бааланды. Кепилдик салымы минималдык сумманын 10% түзөт.
Сатыкка коюлган «Як-40» учагы 1975-жылы чыккан, ошондон бери беш жолу оңдоодон өткөрүлгөн. Учактын техникалык абалы канааттандырарлык экени айтылды.