Коопсуздук боюнча вице-премьер-министр кызматына өкмөттүн Талас облусундагы ыйгарым укуктуу өкүлү Дайыр Кенекеев келери кабарланууда. Бул маалыматты "Азаттык" радиосуна өкмөттөн бышыкташты, бирок расмий билдирүү айтыла элек.
Кенекеевдин өзүнөн да комментарий алууга мүмкүн болгон жок.
Талас облустук администрациясынын кызматкерлери ал учурда Бишкекте экенин айтышты.
Дайыр Кенекеев өкмөттүн Таластагы ыйгарым укуктуу өкүлү болуп 2016-жылы июнда дайындалган.
Коопсуздук боюнча мурдагы вице-премьер-министр Темир Жумакадыров 7-октябрда жол кырсыгынан каза болгон. (AlS/SE)
