Линктер

шейшемби, 21-ноябрь, 2017 Бишкек убактысы 14:35

Жээнбековдун инаугурациясына чет өлкө президенттери чакырылбайт


Алмазбек Атамбаев Сооронбай Жээнбековду 3-ноябрда кабыл алды

Жаңы шайланган президент Сооронбай Жээнбековдун ант берүү аземине чет өлкө президенттери чакырылбайт. Бул тууралуу “Азаттык” радиосуна президенттик аппараттын башчысы Алмаз Үсөнов билдирди.

- Дүйнөлүк практиканы эске алып, инаугурацияга чет өлкө президенттери чакырылбайт. Бирок өлкөдөгү элчилердин баары чакырылат, - деди Үсөнов.

Кыргызстандын жаңы шайланган президенти Сооронбай Жээнбековдун инаугурациясы 24-ноябрда өтөт. Аны даярдоо жана өткөрүү боюнча уюштуруу комитети 3-ноябрда биринчи жыйынын өткөргөн. Жыйында ант берүү аземи боюнча иш-чаралардын программасы жана чакырылуучу коноктордун тизмеси талкууланды. Уюштуруу комитетин Алмаз Үсөнов жетектейт жана ага бир катар мамлекеттик органдардын башчылары мүчө.

Кыргызстанда 15-октябрда өткөн президенттик шайлоодо КСДПдан талапкер Сооронбай Жээнбеков 54,22% добуш менен жеңип чыккан. БШК шайлоонун расмий жыйынтыгын 30-октябрда жарыялады. Мыйзам боюнча расмий жыйынтык айтылгандан кийин 30 күн ичинде жаңы шайланган президент ант берип, кызматына киришүүсү керек. Азыркы президент 2011-жылдын 1-декабрында ант берген.(UEz)

Сиздин пикир

пикирлерди көрсөт

XS
SM
MD
LG