Линктер

жума, 24-ноябрь, 2017 Бишкек убактысы 10:10

Бишкек шаардык соту бүгүн “бийликти күч менен басып алууга аракеттенген” деп айыпталган “Элдик парламент” кыймылынын төрт мүчөсүнүн доо арызын карайт.

Биринчи Май райондук сотунун быйыл 17-апрелде чыгарган чечими менен 20 жылга кесилген Эрнест Карыбеков, 12 жылдан эркинен ажыратылган Кубанычбек Кадыров менен Бектур Асанов, шарттуу жаза алган Дастан Сарыгулов боюнча жараян жабык өтөт. Бул тууралуу “Саясий туткундарды коргоо” комитетинин төрагасы Сапар Аргымбаев “Азаттык” радиосуна билдирди. Буга чейин айыпталгандар райондук соттун чечимине макул болбой жогорку инстанцияга даттанышкан.

13-ноябрда Бишкек шаардык соту «Элдик парламент» кыймылынын дагы беш мүчөсүнүн доо арызын караган. Быйыл 2-августта Биринчи Май райондук соту Бекболот Талгарбеков менен Төрөбай Колубаевге 14 жылдан, Марат Султановго 10 жыл жаза мөөнөтүн берген. Ал эми Александар Гусевди алты, Тойгонбек Калматовду беш жылга шарттуу түрдө кескен эле. Соттук коллегиянын кечээги чечими менен Калматов жана Гусев жазасын өтүп бүттү деген негизде сот залынан бошотулду. Марат Султановго козголгон кылмыш иш “Улут аралык кастыкты козутууга чакырык” беренесине өзгөртүлгөн. Анын камактагы мөөнөтү ошол бойдон калды. Калгандары боюнча райондук соттун чечими өзгөртүлгөн жок.

"Элдик парламент" оппозициялык кыймылынын мүчөлөрү 2016-жылдын май айынан бери УКМКнын тергөө абагында кармалып келген. Соттолуучулар өздөрү жана айрым жарандык активисттер алар саясий негизде камакка алынганын, далили жок соттолгонун белгилеп келишет. Эки сот тең башынан аягына чейин жабык өттү. (NT)

Сиздин пикир

пикирлерди көрсөт

XS
SM
MD
LG