Линктер

жекшемби, 22-июль, 2018 Бишкек убактысы 20:49

Бул тууралуу китептин автору, “Дин, укук жана саясат” көз каранды эмес аналитикалык борборунун директору, теолог Кадыр Маликов өзүнүн "Фейсбуктагы" расмий баракчасында жарыялады.

Орус тилинде жарык көргөн “Ислам жана мамлекет” ("Ислам и государство") китебинде Маликов исламдын түрдүү саясий моделдер – монархия, демократия жана социализм менен байланышы, түрдүү секулярдык моделдер менен болгон карым-катышы сыяктуу маселелер тууралуу жазган.

Кыргызстандагы белгилүү ислам аалымы окуу куралында ошондой эле салттуу мусулман өлкөлөрү деп саналган Жакынкы жана Ыраакы Чыгыш өлкөлөрүнүн мисалдарында ислам менен мамлекеттин карым-катышын түрдүү чечмелөө аркылуу көрсөткөн.

Кадыр Маликов бул китеп менен кошо “Мусулман жаштары: маанилүү жана пайдалуу баалуулуктар” аттуу иликтөөсүн да басмадан чыгарган.

Бул эки китептин ачылышы Бишкек шаарында, Алыкул Осмонов атындагы Улуттук китепканада 2-декабрда саат 10.00дө өтөт. Китептин ачылышы менен чогуу китепканада “MUSA 2017 Muslim Social Artistry” аттуу мусулман фото-арт көргөзмөсү да болот. (ErN)

XS
SM
MD
LG