Жогорку Кеңеште 2016-жылдын бюджетинин аткарылышы, быйылкы жылдын бюджетине өзгөртүүлөрдү киргизүү жана 2018-жылга бюджеттин долбоору каралууда. Бул маселе боюнча премьер-министр Сапар Исаков баш болгон өкмөт мүчөлөрү маалымат беришти.
Премьер-министр Исаковдун айтымында, 2016-жылы өлкөдөгү ички дүң өндүрүмдүн өсүшү 3,5 пайызды түздү жана бюджеттин бардык талаптары аткарылды.
2018-жылга бюджеттин долбоорунда өлкөнүн кирешеси 142 миллиард сомду, ал эми чыгашасы 156 миллиард сомду түзөт. Бюджеттин тартыштыгы 20, 2 миллиард сом болот.
2016-жылы бюджеттин тартыштыгы 20,9 миллиард сом болгон.
Премьер-министр кийинки жылга ички дүң өндүрүмдүн өсүшү 3,8 пайызды түзөрү болжолдонуп жатканын билдирди. (BkA)
