Сириянын оппозициялык топтору Бириккен Улуттар Уюмунун арачылыгы менен кийинки аптада өтө турган Женевадагы сүйлөшүүлөргө бириккен делегациясын жөнөтөт. Мындай билдирүү 24-ноябрда Саудиянын демөөрчүлүгү менен Эр-Риядда өтүп жаткан жыйындын экинчи күнүндө жасалды.
Ал жыйынга Сирия оппозициясынын 140тай өкүлү чогулду. Алардын өкүлдөрү 28-ноябрда президент Башар Асад менен бетме-бет сүйлөшүүлөрдү өткөрүшмөкчү.
Буга чейин БУУнун Сириядагы жаңжалды токтотуу максатындагы бир нече сүйлөшүүлөрү натыйжасыз аяктаган. Сирияда 2011-жылдан бери токтобой жаткан жарандык согуш баш-аягы 330 миң адамдын өмүрүн алды.