Линктер

ишемби, 15-декабрь, 2018 Бишкек убактысы 17:23

Роза Отунбаева: инаугурацияга чакырса да бармак эмесмин


Экс-президент Роза Отунбаева "Азаттык" радиосунун студиясында, 25.11.2017

Экс-президент Роза Отунбаева мамлекет башчы Сооронбай Жээнбековдун инаугурациясына барууну өзүнө ылайык көрбөгөнүн 25-ноябрда "Азаттык" радиосуна курган маегинде айтты. Ал мурдагы бийликке каршы турган санаалаштары азыр темир тор артында отурганын, мындай учурда Жээнбековдун ант берүү аземине барганы туура эмес болуп каларын белгиледи:

- Атамбаев болобу же Жээнбеков болобу, биздин далыбыздан басып өтүп бүгүнкү бийликке келген адамдар. Эгер мен ошол жерге барсам, өзүмдү ыңгайсыз сезмекмин. Кайсыл арыма барып, жыргап отурмак элем? Жолдошторубуз Өмүрбек Текебаев түрмөдө, 2010-жылы Жалал-Абадда токмок жеп жүргөн Бектур Асанов азыр түрмөдө, Дүйшөнкул Чотонов губернаторлук ордун Жээнбековго берди эле, ал деле түрмөдө отурат.

Отунбаева: Жээнбеков өз жолун тандашы керек
please wait

No media source currently available

0:00 0:23:53 0:00

​Сооронбай Жээнбеков 24-ноябрда ант берип, президенттик кызматка киришкен. Инаугурация "Ала-Арча" резиденциясында өткөн. Ага 450 конок чакырылган. Президенттик аппарат чакырылган коноктордун тизмесине Отунбаева киргизилбегенин расмий билдирген.

Роза Отунбаева 2010-жылы Курманбек Бакиев бийликтен кулатылгандан соң 2011-жылдын 1-декабрына чейин мамлекетти башкарган. (SE/BkA)

Сиздин пикир

пикирлерди көрсөт

XS
SM
MD
LG