Эл аралык коллеждер биримдиги (UWC) Кыргызстандын 9-10-класстарынын окуучулары үчүн Германия жана Свазиленддеги алдыңкы университеттерде акысыз окуу үчүн эки орун бөлдү. Бул тууралуу аталган биримдиктин Кыргызстандагы өкүлү Салтанат Сандыбаева “Азаттыка” билдирди.
UWC тобуна 16 өлкөдөгү 17 мыкты делген университеттер кирип, анын бүтүрүүчүлөрү эл аралык диплом алат.
Коллеждердеги минималдык акы 30 миң доллар. 2018-жылга карата аталган биримдик Германиянын Роберт Бош аттуу коллежинен жана Свазиленддеги Уотерфорд Камлаба университетинен бирден гранттык орунду кыргызстандык бүтүрүүчүлөргө берүүдө. (BCh)
