Линктер

дүйшөмбү, 24-сентябрь, 2018 Бишкек убактысы 00:11

Орусиянын экс-министри Улюкаев Сечинди айыптады


Алексей Улюкаев, 26-ноябрь, 2014-жыл

Орусияда мурдагы экономика министри, коррупция жана опузалап акча өндүрүү боюнча күнөөлөнүп жаткан Алексей Улюкаев ак экенин айтып, "Роснефттин" башчысы Игорь Сечинди "тергөөчүлөргө калп айтып жатат" деп айыптады. 27-ноябрда сот отурумунда тараптар иш боюнча далилдерди берип бүтүштү. Сечин күбө катары бир нече жолу чакырылып, бирок бир да жолу сотко барган эмес. Анын адвокаты экс-министрдин дооматтарын четке кагууда.

Улюкаев "Башнефть" компаниясын менчиктештирүү боюнча "терс бүтүм чыгарам" деп Сечинди эч качан коркутпаганын, оң чечим үчүн 2 миллион доллар талап кылбаганын айтты.

Прокуратура экс-министр былтыр ноябрда күч түзүмдөрүнүн операциясы маалында пара алып жаткан жеринен кармалганын билдирген. Улюкаев ал ишти Сечин жана Коопсуздук кызматы атайын уюштурганын айтып келатат.

Улюкаев үй камагында кармалууда.

XS
SM
MD
LG