Кыргызстандын Улуттук банкы бул айда тогузунчу жолу интервенция жүргүздү. Мекеменин расмий сайтына 28-ноябрда 4,5 миллион доллар сатылганы тууралуу кабар чыкты.
Ошентип, жалпысынан бул айда Улуттук банк 42 миллиондон ашуун доллар сатты.
Улуттук банктын курсу боюнча бүгүн 1 АКШ доллары 69 сом 70 тыйын турат.
2015-жылы ноябрда доллар Кыргызстанда эң кымбат чекке жетип, 75 сомго барган. Кийин арзандап отуруп быйыл апрелде 67 сомго чейин төмөндөгөн, июндун аягынан тарта кайра кымбаттай баштаган. (RK)