Ысык-Көл облусунун Жети-Өгүз районунда капка салынган курал-жарак табылды. Бул тууралуу бүгүн Ички иштер министрлиги кабарлады.
Мекеменин билдиргенине караганда, окуя 4-декабрда болгон. Райондук милицияга маалымат Чек ара кызматынан келип түшкөн.
Чек ара кызматынын жоокерлери Ак-Шыйрак өрөөнүнүн Кара-Аска жергесиндеги асканын түбүнөн капка салынган ТОЗ-8 үлгүсүндөгү сайлуу ок атуучу куралдан эки даана, ошондой эле 20- жана 16-калибрдеги сайсыз ок атуучу курал таап алышканын билдиришкен.
Учурда бул ишти райондук ички иштер башкармалыгы териштирип жатат. (RK)
