Аксы районунун Үч-Коргон айыл өкмөтүнүн Кызыл-Жар айылындагы өрт чыккан үйдөн эркек кишинин жансыз денеси табылды. Бул тууралуу Өзгөчө кырдаалдар министрлигинин маалымат кызматы кабарлады.
Өрт бүгүн эртең менен чыгып, өрт өчүүрүүчүлөр аны саат 09:50дө толук өчүрүп бүтүшкөн. Үйдөн күйүп калган дене табылып, ал үй ээси, 47 жаштагы К.Э. аттуу адам экени аныкталды. Учурда өрттүн себептери такталып жатат.
Бул иш боюнча Ички иштер министрлигинин жергиликтүү бөлүмүнүн кызматкерлери да тергөө жүргүзүүдө. (ErN)
